المصريون لسوزان مبارك : "قلبي وفلوسي عندك يا أم جيمي"

بعد التحقيق مع الرئيس المخلوع حسنى مبارك ونجليه وصدور أمر بحبسهم 15 يومًا على ذمة التحقيق طالب المصريون على موقع "فيسبوك" بمحاكمة سوزان مبارك أيضا و أعلنوا استنكارهم لاستثنائها من التحقيقات على الرغم ما وصفوه بارتكابها جرائم فساد مالى واجتماعى .

وتم تدشين مجموعة من الصفحات التى تطالب بمحاكمة سوزان مبارك فيما يتعلق بما أثير فى عدة تقارير صحفية عن استيلائها على جزء من حسابات مكتبة الإسكندرية فضلا عن حسابات مجموعة من الجمعيات الخيرية التى تشرف عليها وكانت تتلقى معونات وتبرعات من الخارج .

وبعيدًا عن الاتهامات بالفساد المالى برزت اتهامات أخرى بالإفساد الاجتماعى تركز معظمها على الدور الذى لعبته سوزان مبارك فى التأثير على السلطة التشريعية وسن قوانين للأسرة والأحوال الشخصية بطريقة أدت إلى خلق حالة من عدم الاستقرار الاجتماعى الذى نتج عنه تفكك العديد من الأسر ومعاناة الآلاف من أطفال الطلاق .

كما تم إنشاء صفحة جديدة تدعو إلى مظاهرة مليونية، وذلك يوم الجمعة 6 مايو وتهدف المليونية إلى التأكيد على أهمية دور الأسرة المصرية فى رعاية المجتمع، والمحافظة على تماسك الأسرة المصرية والتحرر من القوانين التى وضعتها سوزان مبارك وزينب رضوان وفرخندة حسن، حيث وصفوها بأنها مخالفة للشرع.
و دشن آخرون صفحة أخرى تطالب بإلغاء قوانين محكمة الأسرة التى وضعتها سوزان مبارك وتعديل كل قوانين الأحوال الشخصية التى تهدد بتفكك الأسرة المصرية ومنها قرار الرؤية الذى لم يتغير منذ 1928 ويقضى باقتصار مدة رؤية الأب لأبنائه 3 ساعات فقط فى الأسبوع، مطالبون بتحويله إلى استضافة يومين فى الأسبوع، و بتغيير مدة الحضانة إلى المدة التى حددتها الشريعة الإسلامية، وهى 7 سنوات للذكور و9 سنوات للإناث.

على الجانب الآخر تم تدشين مجموعة كبيرة من الصفحات والجروبات الساخرة التى طالب المصريون من خلالها بمحاكمة سوزان مبارك ودشنوا بعضها تشفيا وسعادة من خبر حبس مبارك ونجليه ومن أمثلة تلك الجروبات :"مبارك فى المزرعة سوزان فى القناطر"، " قلبي عندك يا أم جمال" ، " صوتى يا أم جمال الشعب حبس الراجل والعيال " ، و "قلبي عندك يا أم جمال سجنولك الراجل وكمان العيال" ، و "متزعليش يا أم جمال الراجل هيبات مع العيال" ، " قلبي وفلوسي عندك يا أم جيمي" ،" قلبي معاكى يا ست أم علاء"، "ستات مصر بتقول قلبي عندك يا ام علاء"، " من بعد آسفين يا ريس قلبي عندك يا أم جيمي" .

وقد كانت معظم التعليقات والمداخلات على تلك الصفحات تجمع مابين المطالبة بمحاكمة سوزان مبارك ونشر تقارير صحفية ومقاطع فيديو تضم شهادات لمقربين من النظام السابق تشير إليها بأصابع الاتهام تارة وتتهكم وتسخر تارة أخرى وحاول أحدهم الدفاع عن هدف الصفحة التى دشنها قائلا " احنا عمرنا ما اتجنينا على حد بالباطل ولا شهرنا بسمعة حد محترم ، ودى واحدة من رموز الفساد السياسي والاجتماعى فى مصر ولسة لحد دلوقتى لم يتم التحقيق معها واللى بننشره وبنقوله هنا أقل حاجة ممكن نقدر عليها تجاه ناس أكلوا من لحمنا ودمنا وتعبنا ..حسبنا الله ونعم الوكيل " وقد كان من أبرز التعليقات التى ضمتها تلك الصفحات :
- الشعب يريد محاكمة سوزان مبارك .

- سوزان تقترح : طيب ينفع علاء يرشح نفسه وبلاش جمال
- سوزان : لو كنتم اجتهدتم زى جمال كنتم حوشتوا من مصروفكم زيه- بورتو طره ..سجن واحد يجمعنا كلنا .. زنزانة عالمية على أرض مصرية

- بعد حبس جوزها وعيالها ..ماما سوزان غيرت شعار القراءة للجميع إلى السجن للرجالة و تستعد لتدشين حملة السجن للجميع.
- عاجل: شوهد مبارك يجلس في سجن مزرعة طرة بجانب ولديه وهو يغني لهم: ماما زمانها جاية، جاية بعد شوية، جايبة لعب وحاجات.
- اللى أوله شرم آخرته طره .
- عاجل : حسنى مبارك يستقل طائرة من شرم الشيخ إلى سجن المزرعة وسجن القناطر يستعد لاستقبال سوزان مبارك.

- قلبي معاكي ياختي .. و النبي ما تزعلي نفسك دي الدنيا متستاهلش و أهو ربك بكره يفرجها يا ام علاء و الواد جمال يجيله عقد اعارة في الخليج ولا حاجة و تبقى الحياة فلة أهم حاجة صحتك انتي بس يا حبيبتي .. ملحوظة : احنا مش جايين نشمت في أم علاء يا رجالة .. كله الا الشماتة احنا جايين نتشفى بس.
- عاجل : مساجين بورتو طره يتظاهرون رافعين لافتات " إخترناك إخترناك " فور وصول آل مبارك

- إيماناً منا بحقوق المرأة ومساواتها بالرجل اللي أرفتنا بيه طول ال30 سنة نناشد السادة المسئولين بحبس سوزي زي جوزها وعيالها .
- سوزان مبارك تفتتح أحدث مكتبة مجهزة ببورتو طره ضمن حملة القراءة للمساجين

- ماما سوزان هتمسك مقعد المرأة في القناطر الخيرية لذا أردنا أن ننوه أن كل امرأة هناك تحافظ علي مقعدها
- عاجل : مساجين طره يتظاهرون مطالبين برحيل النظام
- صوتى يا ام العيال الشعب حبس لك الراجل والعيال وانتى هتحصليهم

- بعد تحول بورتو طره إلى قبلة للطبقة الراقية بمجهودات الرئيس مبارك وعائلته يسعدنا أن نعلن عن تطوير كانتين البورتو وقائمة الأسعار الجديدة :

بيبسى, كولا , فانتا ........ 4 مليون
علبة سجائر كليوباترا ...... 2 مليون
علبة سجائر سوبر .... 3 مليون
......كوب شاي ........... 1,5 مليون
علبة تونا .......... مليار و نصف
علبة بلوبيف ......... 3 مليار

لا نقبل الشكك او الفيزا، والأسعار بالدولار
- عاجل: سوزان مبارك تشترى حصة فى الرشيدى الميزان لتبدأ فى تجهيز سندوتشات الحلاوة
- سوزان مبارك تشرف على تطوير منتجع طره نظرا للاقبال المتزايد علي بورتو طره من خلال اقامه بعض المشاريع بالسجن

1- طره مول
2- طره بارك
3- طره الدخيلة
4- ستاد طره الرياضي
5- مجمع حمامات سباحة طره
6- مدارس طره الخاصة
7- جامعه طره الدولية
8- نادي طره الرياضي

- مبروك عليكى يا سوزان جوزك وولادك واخدين السجن لحسابهم وعنبر كامل ليهم لوحدهم يعنى بقالكوا 30 سنة واخدين مصر لحسابكوا ودلوقتى واخدين السجن بردو لحسابكوا
- طنط سوزان راعية مهرجان القراءة للجميع واحنا بنات مصر بنقولك اديكى بقيتى فى مهرجان طره للجميع ومنتظرين خبر زيارتك الأبدية إلى القناطر إن شاء الله

- سوزان مبارك .. أتمنى ان أراكي سيدة سجن النساء الأولى كما كنتي الأولى دايما في كل شئ !
- قلبى عندك يأم عييلاء.. مين هيسرقلك من بعدهم ياختى؟؟
-سجن طرة ليه تتسجن لوحدك ؟؟ لما ممكن تتسجن انت و عيلتك
- ماما زمنها جايه جايه بعد شويه ..إهداء خاص جدا إلى علاء وجمال مبارك

- أحب أهدي أم جمال وعيلاء أغنية يا حلوه يا بلحه يامقمعه زوريهم في سجن المزرعه ولا تزورهم ليه قريب ان شاء الله هايفسحوها وتروح القناطر عقبالك يا أم جمال لما اكتبلك اهداء دخولك السجن انتي كماااااااااااااااااااااان

-حذروا فزروا يامصريين احنا خبينا فلوسكم فين؟؟؟؟؟؟ اذا عرفتوا الاجابة اتصلوا على بورتو طره 090000000
- فعلاً قلبى معاكى يعنى ينفع الراجل يعمل تسجيل صوتى يدافع فيه عن نفسه و عن علاء و جمال و يطنشك؟؟؟

- شوفتى أهو راح برتو طره... وهيرميكى فى القناطر ... وبعدين هو معاه أصحاب كتير هيتسلى معاهم انما انتى ياعينى لوحدك .. ده كمان أخد منك العيال وهيشفهم كل يوم.