شاهدة عيان تروي تفاصيل جديدة عن حادث استشهاد ضابط النزهة .. فيديو

روت دعاء، شاهدة عيان على واقعة إغتيال الرائد ماجد عبدالرازق، معاون مباحث النزهة علي يد مسلحين، تفاصيل جديدة حول الواقعة.

وقالت "دعاء"، خلال مداخلة هاتفية ببرنامج "90 دقيقية"، المُذاع عبر فضائية "المحور"،: «صليت الفجر ومكنتش نمت، فوجئت بوابل من الرصاص، واتخضيت طلعت أبص من الشباك لقيت عربية راكنة وكانت مشغلة الانتظار، وأعتقد إن ركن العربية الفجر وهي مشغلة الانتظار لفت نظر ميكروباص الداخلية، والعربيات كانوا في مواجهة بعض».

وأضاف: «الميكروباص بتاع الشرطة جه للعربية عكسي، وكان شاكك في العربية لأن الضابط ملحقش ينزل من العربية، كانت كمية رصاص رهبية»، لافتة: «أمناء الشرطة وقعت من ضرب النار، وواحد كان واقف وراء الميكروباص يتبادل معهم ضرب النار، وأطلقوا النيران علي كاوتش ميكروباص الشرطة علشان ميتحركش».

وتابعت: «أول مرة أحضر حاجه زي كده وأشوف المشهد إنه بيتبادلوا إطلاق النار، الشهيد ماجد ملحقش ينزل من العربية ومات جنب السواق، وأول ما أمناء الشرطة وقعوا الإرهابيين ركبوا العربية ومشيوا».

المصدر: elbalad