هجوم ناري من تامر أمين على ابن طرد والدته المسنة في الشارع..فيديو

علق الإعلامي تامر أمين، علي طرد ابن لوالدته المسنة وتركها بالشارع في ليالي الشتاء الباردة.

وقال "أمين"، خلال تقديمه برنامج "آخر النهار"، المُذاع عبر فضائية "النهار"،: «السيدة تحولت إلي لاجئة في الشارع علشان ابنها طردها من البيت علشان يرضي زوجته»، لافتا إلي أن السيدة لديها 3 أبناء، وكل ابن لديه بيت، معقبا: «المفروض الأولاد يفتحوا بيوتهم علشان يشيلوا جزمة أمهم في أي لحظة هي تحب».

وأضاف: «مش دي طبيعة المصريين، ومش عايز أطول لساني علي أولادها، وأي كلام هقوله هيكون فيه تجاوز، لأن مفيش حاجه هتيجي أعز من الأم».

وأشار: «شربت الأولاد وعلمتهم وفي الآخر تكون مستنية عطف من عابر سبيل، الأولاد كلهم حتي البنات إللي رفضوا هما كمان علشان أجوازهم، رموا أمهم في الشارع، والأولاد دول لو عندهم دم ينتحروا بعد إللي عملوه».

المصدر: elbalad