بالفيديو.. كلمة مؤثرة من زوجة الشهيد أحمد المنسي أمام السيسي

قالت منار محمد سليم، زوجة البطل الشهيد أحمد منسي: «أنا مش جاية أتكلم عن أحمد منسي البطل.. أنا بتكلم عن أحمد منسي الإنسان اللي كان بيساعد أي إنسان محتاج مساعدة.. لما كان بيلاقي سيدة معاها أطفال صغيرين ومش لاقية مواصلة بيوصلها لبيتها.. كان أول ما يستلم المرتب يقولي رايح اطلع حق ربنا في الراتب والباقي نعيش به.. كان يقولي أعمالنا هي اللي هتتبقى لينا في القبر.. كان بيقولي بغير على بلدي».

وأضافت: «أحمد صلوا عليه في المساجد والكنائس.. كان حريص على تأهيل ابنه لتحمل المسئولية.. كان بيغرز في ابنه علاقته في ربنا وحبه الشديد للجيش الوطني.. ابني قالي بعد استشهاد والده بثلاثة أيام فقط قالي نفسي لما أكبر أدخل الجيش واستشهد زي بابا».

وتابعت: «كان كل اللي بيشغل تفكيره هي والدته فقط.. لما أحمد جه يبلغني بتوليه الكتيبة في سيناء كأنه بيبلغني بخبر استشهاده.. كان بيقولي ماتخفيش حتى لو موت أنا هبقى شهيد وأنا واثق أن ربنا هيخلي باله منكوا.. كان بيبكي لما أصحابه بيستشهدوا قبله لأن خايف أن ربنا يكون غضبان عليه ومش بيختاره شهيد».

وأوضحت أن الشهيد أحمد منسي حرص على كتابه جواب للعدو قائلًا: «جزيل الشكر لعدوى اللي أتاح ليا الفرصة بعد سنين من التدريبات أني أواجهه.. شكرًا ليك أنك دخلتني أرض مروية بدم أجدادي وآبائي اللي ضحوا بالنفيس والغالي.. هيروح مننا واحد في غيره ألف بيتسابقوا على دورهم في الشهادة.. أقسم بالله مالكش عيش فيها طول ما إحنا فيها».

ويشهد الرئيس عبد الفتاح السيسي اليوم الإثنين، فعاليات الندوة التثقيقية التي تنظمها القوات المسلحة المصرية في مركز المؤتمرات والمعارض الدولية التابعة للقوات المسلحة، وذلك بحضور المهندس شريف إسماعيل، رئيس مجلس الوزراء، والدكتور على عبد العال، رئيس مجلس النواب، والفريق أول صدقى صبحى، وزير الدفاع والإنتاج الحربى، والفريق محمود حجازى، رئيس أركان القوات المسلحة، وعدد من الوزراء والمسئولين.

المصدر: فيتو