غادة عبد الرازق لـ"شيرين": اللى بيهاجموكى دول اللى غيرانين منك

أعلنت الفنانة غادة عبد الرازق، تضامنها مع المطربة شيرين عبد الوهاب، بعد حملة الانتقادات التى تعرضت لها شيرين عقب انتهاء الحلقة الماضية من برنامج مسابقات المواهب الغنائية "ذا فويس".

وقالت "غادة" لـ "شيرين": "انتى مش محتاجة تعتذرى علشان احنا جمهورك متأكدين إنك متقصديش أى غلط فى حق حد ومتأكدين إنك عفوية وإنسانة طيبة جدا.. اللى بيهاجموكى دول اللى غيرانين منك ومن نجاحاتك.. سيبك منهم وركزى فى شغلك ونجاحاتك وبناتك وأهلك وجمهورك اللى بيحبك وانا واحدة منهم وكل سنة وانتى طيبة حبيبتى".

قدمت المطربة شيرين عبد الوهاب اعتذارا لجمهورها في الوطن العربي عن واقعة ضغطها على زر استدارة الكرسى في برنامج ذا فويس مستخدمة حذائها.

وقالت شيرين، في الفيديو الذي نشرته عبر صفحتها على موقع "فيس بوك": أنا أتعامل مع زرار ولكن انتوا تحبون مشاهدتي في أحسن صورة وبدون غلط، وأكيد أنتم صح وأنا اللي غلط.. وأنا آسفة مرة كمان".

وكان قد آثار تصرف شيرين في اختيار المتسابق ناصر ضمن منافسات حلقة هذا الأسبوع من برنامج ذا فويس باستخدام الحذاء، في موجة غضب عارمة من جمهور شيرين على مواقع التواصل الاجتماعي.

وانهالت التعليقات والنقد عبر صفحة شيرين على موقع فيس بوك، وجاء في بعض التعليقات "أنا من اشد معجبينك وبموت فيكي.. بس مكنش في داعي لخلع حذائك دا تصرف غير لائق بفنانة حساسة ياريت تكوني أرقي في تصرفاتك أكتر.. سمحيني علي النقد".

وعلق آخر قائلا "حاولى تتأسفى للناس على موضوع الجزمة دة انتى بتمثلى مصر قدام الدنيا كلها عيب كدة منك بجد".فيما قال آخر "عيب يا شيرين اللي عملتيه... تضربي الزرار بالجزمة بتاعتك؟ آيه الحركة دي اللي خسرتك كتير... انتي فنانة الناس بتشوف فيكي الرقة والإحساس مش الغلطة الشنيعة دي!!!".. لتتحول صفحة شيرين علي فيس بوك الي كتاب مفتوح لانتقاداها دون أن ترد شيرين علي أي تعليق وتلتزم الصمت .

وكانت شيرين قد اعجبت بصوت ناصر وضغطت على زر الموافقة بحذائها وسط ذهول لجنة التحكيم, غنت شيرين له اغنية "أنت معلم" ليفاجئها المتسابق ويختار فريق عاصي الحلاني.

المصدر: صدى البلد