بالفيديو.. السيسي: «مفيش حاجة اسمها تغيير النظام»

الرئيس عبدالفتاح السيسي

افتتح الرئيس عبدالفتاح السيسي، الأربعاء، مبني الركاب الجديد بمطار الغردقة الدولي بعد 5 سنوات من بدء عملية إنشائه، حيث يهدف المبني الجديد للقضاء على تكدس السائحين في أوقات الذروة في صالات السفر والوصول واستيعاب نحو 7 ملايين ونصف المليون سائح سنويا.

وقال السيسي في كلمة ألقاها أثناء الافتتاح: «مفيش حاجة اسمها نظام، فيه حاجة اسمها مصر، دولة مصرية، الشعب المصري ينتخب، يأتي رئيس يمسك دولة واقفة على حيلها، مش نظام كل شوية يتغير ولما يتغير يقولوا لا، هي دولة مصرية، مؤسساتها إعلامها قضاؤها جيشها، كلها تشتغل علشان خاطر بلدها، يتغير الحد يييجي حد تاني، يكمل بالدولة المصرية، يكمل بالدولة المصرية، مش بحد تاني».

وأضاف: «مهم أوي ننتبه للكلام ده، محدش هيقدر يرجع مصر للوراء، أنا مش بطيب خاطر الناس، إنتوا غيرتوا الدنيا كلها، يبقى إزاي فيه حد هييجي غصب عن المصريين، محدش اتعلم ولا إيه؟، وأنا مش همنع حد، ولكن المصريين اللي هيمنعوا، إحنا خايفين على بلدنا وهنموت علشان خاطر بلدنا».

المصدر: almasryalyoum